Tuesday, March 6, 2012

Puzia ba Eroi Proklamador "Dr. Francisco Xavier"





Francisco Xavier do Amaral
(1937 – 2012)
© Janio Tilman, 06 March 2012





Rai-lafaek ohin halerik no tanis
We’e Mota moris nian, suli hosi fatin-fatin
Hosi rai-jáko to’o Oekuse
Nalihun iha Rai-klaran
Kanoin to’o Ó moris uluk
Kanoin to’o Ó saran an ba mate,
nodi teri netik babeur balada fuik be hadau matak Ó soin
Kanoin to’o Ó nia luta
Kanoin to’o Ó viva Timor,
Iha ema lubun be haleu Ó,
Loron 28 Novembro 1975,
Loron be Ó hakroat povu maubere buibere nia espirito nasionalizmu,
Loron be Ó habelar sira fuan
Loron be Ó halulik rai ne’e ho
Lia be loke xave roman nian ba povu tomak
“Ó Deklara Ukun-rasik an”
Ohin Ó nia isin mate subar ona iha rai okos be klean
Maibe oras ne’e no loron aban,
“Ó nia istoria subar klean iha ami hotu nia fuan”
Viva Dr. Francisco Xavier
Viva Proklamador

No comments:

Post a Comment